«
»

Janjimu Ing Wengi


janjimu ing wengi kang sepi
kemulan rembulan rerungketan
kinanthi kidung asih

janjimu ing wengi kang sepi
sliramu titipake marang rembulan
mbarengi gegodongan gegojekan
rerangkulan pang-pang garing

wengi kang atis
wengi kang tanpa lintang
mamring tanpa swara
panduluku tansah pengin ngaras pipimu

pengangen-angenku, panrawang kang pupus
kabukak siji mboko siji
alon.. prasasat tanpa suara
mung katresnan jati kang lumaku
tumapak lan kudu jumangkah
ngrungkepi janji-janjimu ing wengi..

lilakno anggamu tak rengkuh kang pungkasan
krana aku kepenging ngopeni crita iki
tresna kang kabuncang,….
bebarengi janjimu ing wengi kang cinidra

Blitar, 19-4-2010

, ,

Artikel ini dipostingkan pada 27 April 2010, 19:34 dan ditulis dalam Geguritan. Silahkan membaca tanggapan pada artikel ini melalui RSS 2.0 Anda dapat memberikan tanggapan komentar, atau mengirimkan trackback dari blog anda sendiri.

Facebook comments:

  1. Belum dikomentari.
(tidak akan di tunjuk-tunjukan)