» Geguritan http://www.ekasulistiyana.web.id Wed, 28 Dec 2011 17:21:37 +0000 en hourly 1 http://wordpress.org/?v=3.2.1 Wus Luwih Satus Candra http://www.ekasulistiyana.web.id/sastra/geguritan/wus-luwih-satus-candra/ http://www.ekasulistiyana.web.id/sastra/geguritan/wus-luwih-satus-candra/#comments Sat, 10 Sep 2011 03:22:14 +0000 admin http://www.ekasulistiyana.web.id/?p=1016

wektu wis lumaku luwih satus candra

mungkurake karep ing rasa

kang tansah lelimengan

ing tapluking netraku

 

wektu wis lumaku luwih satus candra

nalika sliramu pamitan

netepi karep nguber asmara

kinanthi pangestuku rikala semana

 

wektu wis lumaku luwih satus candra

aruming rikmamu

manis esemmu

netramu kang cinandra rina

solah bawamu kang tansah anglam-lami

lakuku ing padhang panguripan

 

wektu wis lumaku luwih satus candra

wewayangira tansah ngetut lakuku

nimas, puspitaning ati ..

muga Gusti paring kabagyan marang sliramu

kinanthi pandonga suci mreh rasa pangrasaku

lilakno wewayanganmu tansah ndak kekep

kanthi kebak asih, amarga mung wewayangmu

kang tansah ngancani aku napaki pangarep-arep

 

 

Gedog,.. lingsir rina .. 10-09-11

Source

 

]]> http://www.ekasulistiyana.web.id/sastra/geguritan/wus-luwih-satus-candra/feed/ 0 Pinggir Desa http://www.ekasulistiyana.web.id/sastra/geguritan/pinggir-desa/ http://www.ekasulistiyana.web.id/sastra/geguritan/pinggir-desa/#comments Sat, 05 Feb 2011 03:29:25 +0000 admin http://www.ekasulistiyana.web.id/?p=826 wus telung windu kepungkur ing dalan iki

sliramu nate ndak kanthi mencak-i wengi

rikala rembulan tumungkul rerangkulan ratri

pasuryanmu endah kaya lintang panjerina

nimas,

wus kaping sanga ganti mangsa

isih krasa anget astaku rikala ngaras pipi-mu ing pinggir desa

tan ana pangucap saka lathimu kang rinungket rasa

gunung gambar wonosadi

nunut nyekseni asmaraning wijaya kusuma,

kang nggondo arum ing wayah dalu

sumebar ngebaki dalan-dalan wengi,

nimas,

telung windu wus lumaku

crita kuwi tansah lelimengan ing impenku

crita kawuri kang tansah ndak patri ing ati

Gantiwarna, Pungkasan Syawal 1431 H

]]> http://www.ekasulistiyana.web.id/sastra/geguritan/pinggir-desa/feed/ 0 Pungkasaning Ratri http://www.ekasulistiyana.web.id/sastra/geguritan/pungkasaning-ratri/ http://www.ekasulistiyana.web.id/sastra/geguritan/pungkasaning-ratri/#comments Tue, 02 Nov 2010 13:25:12 +0000 admin http://www.ekasulistiyana.web.id/?p=756 gisiking wengi adhem tintrim tanpa rasa

mung lintang panjerina kang madhangi jagat

amarga rembulan  kemulan mendhung

atiku temlawung …

atiku ngudarasa njambak pengarep-arep

ndak kekep pangrasaku

rikala aku nyoba ngaturake marang sliramu tirta suci

amarga esemu prasasat tetesing embun

marang ati kang nandhang wuyung

ing pungkasaning ratri

atiku kapang

pasuryanmu tansah lelimengan ing gisiking kalbu

canthing-canthing ing astamu

mbatik ati, atiku kang nandang branta

ing pungkasaning ratri

ndak kanthi tumekaning surya wayah esok

mbarengi  jago kluruk nggugah birahi

ing pungkasaning ratri

ndak ronce kembang-kembang wangi

kinanthi doa-doa suci

mbarengi tumetesing waspaku nguntapake laku

laku mu nimas ing bebrayan sejati



Gedog, 3 Nop 2010

]]> http://www.ekasulistiyana.web.id/sastra/geguritan/pungkasaning-ratri/feed/ 0 Embun Setya Ing Janji http://www.ekasulistiyana.web.id/sastra/geguritan/embun-setya-ing-janji/ http://www.ekasulistiyana.web.id/sastra/geguritan/embun-setya-ing-janji/#comments Fri, 22 Oct 2010 05:55:47 +0000 admin http://www.ekasulistiyana.web.id/?p=737 ing pojok desa

tak kanti tekane embun

bebarengan ocehing manuk ing wayah isuk

rikala suket-suket isih rerungketan

krasa atis

angin isih sepi

embun tumetes nelesi lemah-lemah abang

embun kang ngawa warta

warta marang sa-dengah titah

oh… isih ono panguripan

embun ora cidro marang janjine

amarga embun tansah setya

kanthi ngawruhake rasa

rasa tresnane marang panguripan

oh.. embun

tekamu nelesi ati

tekamu

nggugah pangarep-arep

marang crita urip kang dawa

Mburi Rel, Gedog 22 Oktober 2010

]]> http://www.ekasulistiyana.web.id/sastra/geguritan/embun-setya-ing-janji/feed/ 0 Guritku http://www.ekasulistiyana.web.id/sastra/geguritan/guritku/ http://www.ekasulistiyana.web.id/sastra/geguritan/guritku/#comments Sun, 10 Oct 2010 05:49:33 +0000 admin http://www.ekasulistiyana.web.id/?p=735 
gerimis sansaya gedhe
gerimis arep dadi udan
langit mendung peteng tanpa lintang
sepi tanpa suara
wening tan ana lelagon
gurit-ku panjeriting ati
ati atis
ati wengis
ati miris
ati kang kebak tangis
gurit-ku sepo
sepo tanpa suara
sepo tanpa lukita
sepo tanpa pramusita
gurit-ku gegambaraning ati sepi
gurit-ku pralambang temekaning prahara
gurit-ku impen kang dadi nyata

Bumi Bung Karno, 10 Okt 2010
]]> http://www.ekasulistiyana.web.id/sastra/geguritan/guritku/feed/ 0 Janjimu Ing Wengi http://www.ekasulistiyana.web.id/sastra/geguritan/janjimu-ing-wengi/ http://www.ekasulistiyana.web.id/sastra/geguritan/janjimu-ing-wengi/#comments Tue, 27 Apr 2010 12:34:53 +0000 admin http://www.ekasulistiyana.web.id/?p=537 janjimu ing wengi kang sepi
kemulan rembulan rerungketan
kinanthi kidung asih

janjimu ing wengi kang sepi
sliramu titipake marang rembulan
mbarengi gegodongan gegojekan
rerangkulan pang-pang garing

wengi kang atis
wengi kang tanpa lintang
mamring tanpa swara
panduluku tansah pengin ngaras pipimu

pengangen-angenku, panrawang kang pupus
kabukak siji mboko siji
alon.. prasasat tanpa suara
mung katresnan jati kang lumaku
tumapak lan kudu jumangkah
ngrungkepi janji-janjimu ing wengi..

lilakno anggamu tak rengkuh kang pungkasan
krana aku kepenging ngopeni crita iki
tresna kang kabuncang,….
bebarengi janjimu ing wengi kang cinidra

Blitar, 19-4-2010

]]> http://www.ekasulistiyana.web.id/sastra/geguritan/janjimu-ing-wengi/feed/ 0 Pengarep-arepku http://www.ekasulistiyana.web.id/sastra/geguritan/pengarep-arepku/ http://www.ekasulistiyana.web.id/sastra/geguritan/pengarep-arepku/#comments Sun, 25 Apr 2010 13:37:34 +0000 admin http://www.ekasulistiyana.web.id/?p=534
Jeng, nimas ayu pepujaning ati…
aku pasrah sumeleh ing ati
nyelehake pangarep-arepku
mring katresnan lan kawigatenmu sing semu
kasunayatane mung tekan semenu
buyare lelakonku indah iki…

pengarep-arep kari pepenginku
tansah sumandhing lan nresnani sliramu
kudu dak tigas tekan semene
kang luwih wigati, Nimas
pandonga lan pengestumu wae
kang ndak suwun kanthi ikhlasing manahmu

nimas, pepujaning ati gegondelaning kalbu
pareng, aku pamit
kanthi bunthel kuciwa lan pangarepku
kanggo mapak tekaning tresno lan asih suci
YAIKU tresna lan ati kang satuhu gati
tan ora kapontho-pontho marang liyan
tan ora nyawang rupa lan bandha
tan ora singidan ing wewanguning jagad

tresna kang kebak rasa asih
tresna kang mengku rasa ikhlas
tresna kang sawiji
amung tresna sejati tanpa binagi..

Bumi Penataran, 22 Maret 2009

]]> http://www.ekasulistiyana.web.id/sastra/geguritan/pengarep-arepku/feed/ 0 Kidung Kagem Rama Kyai http://www.ekasulistiyana.web.id/sastra/geguritan/kidung-kagem-rama-kyai/ http://www.ekasulistiyana.web.id/sastra/geguritan/kidung-kagem-rama-kyai/#comments Sat, 16 Jan 2010 00:37:25 +0000 admin http://www.ekasulistiyana.web.id/?p=402 mendung ngelayut ing langit nginggil kutho
panas sak nilika musna
bledek nyamber kairing tumiyupipun angin
dipun kanthi gerimis nelesi bumi pertiwi

luh ing pipi dereng garing
tangis kagem panjenengan
rama kyai…

kembeng-kembeng nuswantara ngutapaken layon..
layon ingkang arum
layon ingkang suci
layon rama kyai

gerimis
hawa atis
sukma ngumbara ngindit raos
raos tresna
raos asih
raos ingkang kapang
amargi penjengenan sampun tindak dumateng alam kalangengan
duh rama kyai

lemah pekuburan dereng ngantos garing
kembang-kembang sukma
taksih ngondo wangi arum
mboten kiat bathin meniko rama kyai

panjenengan sampun sumare
kanthi pasuryan ingkang bening
kanthi esem ingkang ngujiwat
kanthi nilar kekancingan suci
kanthi nilar suluh budi

kagem obor sukma lan jiwa
kagem mbangun bangsa
kagem gondelanipun agesang sedaya umat

sugeng tindak rama kyai
sugeng tindak GUS DUR
mugi Gusti Ingkang Maha Welas
nyawisaken Firdaus kagem panjenengan…

amiiin…

Blitar, 31 Desember 2009

Yang dalam bahasa Indonesia kurang lebih berarti demikian :

mendung ngelayut ing langit nginggil kutho
panas sak nilika musna
bledek nyamber kairing tumiyupipun angin
dipun kanthi gerimis nelesi bumi pertiwi

luh ing pipi dereng garing
tangis kagem panjenengan
rama kyai…

kembeng-kembeng nuswantara ngutapaken layon..
layon ingkang arum
layon ingkang suci
layon rama kyai

gerimis
hawa atis
sukma ngumbara ngindit raos
raos tresna
raos asih
raos ingkang kapang
amargi penjengenan sampun tindak dumateng alam kalangengan
duh rama kyai

lemah pekuburan dereng ngantos garing
kembang-kembang sukma
taksih ngondo wangi arum
mboten kiat bathin meniko rama kyai

panjenengan sampun sumare
kanthi pasuryan ingkang bening
kanthi esem ingkang ngujiwat
kanthi nilar kekancingan suci
kanthi nilar suluh budi

kagem obor sukma lan jiwa
kagem mbangun bangsa
kagem gondelanipun agesang sedaya umat

sugeng tindak rama kyai
sugeng tindak GUS DUR
mugi Gusti Ingkang Maha Welas
nyawisaken Firdaus kagem panjenengan…

amiiin…

Blitar, 31 Desember 2009

]]> http://www.ekasulistiyana.web.id/sastra/geguritan/kidung-kagem-rama-kyai/feed/ 0 Rasa Tresnoku Marang Sliramu Opo Salah .. ? http://www.ekasulistiyana.web.id/sastra/geguritan/rasa-tresnoku-marang-sliramu-opo-salah/ http://www.ekasulistiyana.web.id/sastra/geguritan/rasa-tresnoku-marang-sliramu-opo-salah/#comments Thu, 03 Jan 2008 05:39:57 +0000 admin http://www.ekasulistiyana.web.id/?p=822 rikala netramu nyawang temelung nang mripatku
ana rasa adem njejet nang dadaku..
nunjem pulung atiku, dadi waspa tumetes siji-siji

rikala astamu kumlawe nggandeng tanganku
ana rasa gemeter adem panas nang awakku..

rikala nyawang lathimu sing mesem isih tetep ngujiwat,
kaya esem-esem 5 taon kepungkur….

pasuryanmu kaya padange rina ing tengah wengi
kang madangi jagat ananging ora krasa panas…

ah… tansah katon ing manik-manik netramu memanising crita kawuri
sing ora bisa ilang saka angen-angen lan ati iki.

impen kapang sing mung dadi sejarah..
sing tetep ndak simpen kanthi rapet jroning ati..

aku njaluk idi palilahmu nimas…
yo wis ben kabeh tansah dadi crita sing endah
yo wis ben dadi sejarah
yen to antarane aku lan sliramu pancen ana crita
crita tresna sing kebak tangis

amarga pancen butuh sewu wangsulan
saka siji pitakonan

rasa tresnoku marang sliramu apa salah ?

]]> http://www.ekasulistiyana.web.id/sastra/geguritan/rasa-tresnoku-marang-sliramu-opo-salah/feed/ 0 Ndak Suwun Sih Pangapuramu Yen Aku Tresno Marang Sliramu http://www.ekasulistiyana.web.id/sastra/geguritan/ndak-suwun-sih-pangapuramu-yen-aku-tresno-marang-sliramu/ http://www.ekasulistiyana.web.id/sastra/geguritan/ndak-suwun-sih-pangapuramu-yen-aku-tresno-marang-sliramu/#comments Tue, 03 Apr 2001 05:36:02 +0000 admin http://www.ekasulistiyana.web.id/?p=819 ndak coba mangertine lan nampa
apa kang dadi kasunyatane uripku …
rasa iki wus njangget jroning kalbu
rikala sliramu uga ngendika tresno

ndak kanthi tumekaning rasa ing penggalehmu…
ora gampang koyo sing ndak karepake ….
nimas ………
sumunare mripatmu nuwuhake sih tresno ing atiku ..

titising lan luwese pangucapmu ….
ndadekake rasa ing atiku tansaya ngreboko …
ora tak selaki menowo aku pancen tresno sliramu….

rikala sliramu ngucapake rasa
nalika kuwi atiku bombong lan bungah.
ananging…….

pancen ora pantes wong koyo aku
nampani sih ketresnanmu……….
nyuwun sih pangapuramu…….
aku wis salah ngucapake rasa marang sliramu

sing gedhe pangapuramu nimas ……
aku kang wus cumanthoko mratelaake tresno ….
matur nuwun sliramu wus kerso nyadarake aku ….
matur nuwun sliramu wus kersa ngelengake aku …..

yen sak temene wong koyo aku ora pantes sesandingan karo kenya
kang koyo sliramu …..
ora sak pantese nuwuhake rasa marang sliramu ……
pisan maneh matur nuwun …..

mugo – muga gusti
kersoa paring pangapura marang kawulane
kaya aku iki ……
kang ora ngerti trapsila………..
kang ora ngerti yen tho …
mung sangkrah kang ora pantes …..
nduwe rasa tresno lan sesandhingan karo sliramu…

Blitar, Medio April 2001

]]> http://www.ekasulistiyana.web.id/sastra/geguritan/ndak-suwun-sih-pangapuramu-yen-aku-tresno-marang-sliramu/feed/ 0