Kategori untuk Arsip Sastra

Wus Luwih Satus Candra

Ditulis oleh admin dalam Geguritan pada 10 September 2011

wektu wis lumaku luwih satus candra

mungkurake karep ing rasa

kang tansah lelimengan

ing tapluking netraku

 

wektu wis lumaku luwih satus candra

nalika sliramu pamitan

netepi karep nguber asmara

kinanthi pangestuku rikala semana

 

wektu wis lumaku luwih satus candra

aruming rikmamu

manis esemmu

netramu kang cinandra rina

solah bawamu kang tansah anglam-lami

lakuku ing padhang panguripan

 

wektu wis lumaku luwih satus candra

wewayangira tansah ngetut lakuku

nimas, puspitaning ati ..

muga Gusti paring kabagyan marang sliramu

kinanthi pandonga suci mreh rasa pangrasaku

lilakno wewayanganmu tansah ndak kekep

kanthi kebak asih, amarga mung wewayangmu

kang tansah ngancani aku napaki pangarep-arep

 

 

Gedog,.. lingsir rina .. 10-09-11

Source

 

, , , , , ,

Belum ada komentar

Selamat Hari Raya Idul Fitri 1432 H

Ditulis oleh admin dalam Ucapan pada 29 Agustus 2011

, , , , , , , ,

Belum ada komentar

Pinggir Desa

Ditulis oleh admin dalam Geguritan pada 5 Februari 2011

wus telung windu kepungkur ing dalan iki

sliramu nate ndak kanthi mencak-i wengi

rikala rembulan tumungkul rerangkulan ratri

pasuryanmu endah kaya lintang panjerina

Baca hingga selesai »

, ,

Belum ada komentar

Pungkasaning Ratri

Ditulis oleh admin dalam Geguritan pada 2 November 2010

gisiking wengi adhem tintrim tanpa rasa

mung lintang panjerina kang madhangi jagat

amarga rembulan  kemulan mendhung

atiku temlawung …

Baca hingga selesai »

, ,

Belum ada komentar